mi sitelen e lipu ni tan seme? mi sitelen e lipu ni tan ni: mi wile toki e ijo. jan mute li kute e nasin pi toki pona, la ona li toki e ni: "toki pona li toki wawa ala. ona li ken ala toki e sona nasin e sona pi ma ale. toki pona li musi lili taso."
ken, la sona tawa, en sona telo, en sona ante, la toki ona li lon. mi sona ala. taso, mi pilin e ni: sona nanpa li ante. jan mute pi toki pona li toki e ni: "nanpa li ike! toki pona li wile ala e nanpa! nanpa li ilo pi nasin mani!"
toki ona li nasa mute. musi mute li kepeken nanpa. ona li ilo pi nasin mani. taso, nasin pi nanpa tu wan li sitelen e nanpa suli, kepeken mute nanpa lili. o lukin e ni: 2025 li kama e 2210000 kepeken nasin ni. toki pona li ken jo e mute nimi lili, li jo e nasin nanpa wawa pona sama nasin sitelen, tan ma Palata. toki pona li wile ala e nimisin tawa ona.
taso, mi weka tan kon pi toki mi. kon pi toki mi li ni: mi pilin e ni: jan pi toki pona li pilin e ni: toki pona en sona nanpa li ante mute. sona nanpa li utala e nasin pi toki pona. taso, ni li lon ala. pilin ni li nasa wawa sama pilin pi jan Anthony McCarthy (Antoni Makasi)! mi pilin e ni tan seme?
o lukin e toki pi jan Poincare tan lipu weka. sina lukin ala, la toki li lon anpa:
ni li sama nasin pi toki pona anu seme?!?!? o weka e nimi "sona nanpa" e nimi "nasin," o pana e nimi "toki pona" e nimi "toki," lon ma ona. ona li awen ala awen lon?
ken, la sina pilin e ni: jan ale li ken toki e toki ale. taso, tenpo mute, la toki pi jan ale li lon ala. taso, mi pilin e ni: sona nanpa li kepeken e nasin ni! lipu pi sona nanpa li kepeken nimi suli mute. taso, lipu ni li pana e kon pi nimi ni ale. tenpo mute, la ijo pi sona nanpa li pona mute, kepeken nasin ni: sina wile toki e ijo, la sina kepeken pali lili. sona nanpa li alasa e sona mute tan sona lili. toki pona li alasa e kon mute tan mute nimi lili.
mi wile pali e seme, kepeken toki mi, kepeken lipu ni? mi wile pana e sona ni: